Cannstatter Mundarttage:

Schwäbische Predigt zom Thema „Hot Jeus au glacht? – Humor en dr Bibel“

02.05.2021: Anlässlich der Cannstatter Mundarttage gab es letzten Sonntag eine Schwäbische Kirch‘ auf der Steig passend zum Weltlachtag. Corona bedingt waren ca. 40 Personen vor der Steigkirche im Freien versammelt, darunter zahlreiche Dudelsäckle-Mitglieder.

Pfarrer i.R. Wilhelm Kern aus Oberjettigen, Mitglied der schwäbischen mund-art e. V., hielt eine schwäbische Predigt; hier Auszüge davon:

Lukas 8,4-8 Liabe Gemeinde, bei deam Thema: „Hot Jesus au glacht?“ könnt ebber saga. Hen‘r sonscht koine Problem? Des isch jo zom Lacha! Wenn I aber hair, wia a Konfirmand sait: „Bei Chrischta isch älles, was Spaß macht, verbota!“no komm I ens Grübla! Ond wenn I lies, dass osre Kirchavädder Origenes ond Augustin drvo überzeugt gwea sen, dass für Chrischta nix zom Lacha gäbt, weil Jesus au nia glacht häb. Ond wenn I no au no hair: Lacha sei bloß für Narra ond bloß a „Heida-Spaß“; wer lacht, häb nämlich koi Angscht maih vor am Teufel ond bloß d Angscht breng d‘ Menscha zom Glauba. Wenn mr also de Leut d’Höll hoiß macht, dass se an d‘ Erlösung glaubat, no isch dui Frog vom Afang gar nemme zom Lacha, sondern eher zom Heula, jo zom narret, kreuznarret werda. 2 Sicherlich, es schtoht neanich wortwörtlich em NT dren: „Jesus hot glacht!!“ Es schtoht eher dren, dass er gheult häb: oimal über Jerusalem ond sandermol mo sei Freund Lazarus gschtorba isch.